29 мая вучні 6 “Г” класа прынялі ўдзел у аўкцыёне “Растлумач фразеалагізм”. Удзельнікі атрымалі карткі з фразеалагізмамі, якія ўжываў у сваёй творчасці Рыгор Барадулін. Патрэбна было патлумачыць сэнс гэтых адзінак. Калі ў вучняў узнікалі цяжкасці з тлумачэннем, яны звярталіся да ўрыўкаў з твораў. Дзеці і пасмяяліся з дасціпнага гумару паэта, і задумаліся над глыбокімі жыццёвымі пытаннямі, і падзівіліся шчырай сыноўняй любові Рыгора Барадуліна да маці.
Напрыканцы мерапрыемства ўдзельнікі паглядзелі фотаздымкі з сямейнага альбома паэта, адчуўшы атмасферу жыцця далёкага ад іх ХХ стагоддзя.
.jpg)
